သွင်းကုန်ဌာန

သွင်းကုန်ဌာန၏ လုပ်ငန်းဆောင်ရွက်ချက်

သွင်းကုန်ဌာနအနေဖြင့်ပြည်ပဘဏ်များသို့ သွင်းကုန်ငွေလွှဲစာတမ်းများဖွင့်လှစ်ပေးပြီးသွင်းကုန်ဘီလ်များထုတ်ပေး၍ သွင်းကုန်တန်ဘိုးများပေးချေပါသည်။၎င်းအပြင် DP/DA စနစ်ဖြင့် ငွေပေးချေခြင်းများ၊ ShippingGuarantee များထုတ်ပေးခြင်း၊ကုန်သွယ်မှုအထောက်အပံ့(Trade Financing) များလည်းဆောင်ရွက်ပေးလျက်ရှိပါသည်။

သွင်းကုန်လုပ်ငန်းရှင်များအတွက် ဝန်ဆောင်မှုပေးခြင်း

• ပြည်ပဘဏ်များသို့ သွင်းကုန်ငွေလွှဲစာတမ်းများ ဖွင့်ပေးခြင်း၊
• Opening of Letter of Credit to Foreign Bank
• သွင်းကုန်ဘီလ်များထုတ်ပေး၍ သွင်းကုန်တန်ဘိုးပေးချေခြင်း၊
• Import Bill Releasing and Paying
• DP/DA စနစ်ဖြင့် ငွေပေးချေခြင်း၊
• Payment for DP/DA
• Shipping Guarantee များထုတ်ပေးခြင်း၊
• Shipping Guarantee Releasing
• ကုန်သွယ်မှုအထောက်အပံ့ ဆောင်ရွက်ပေးခြင်း၊
• Trade Financing Service

သွင်းကုန်ဆိုင်ရာငွေကြေးအထောက်အပံ့ ရယူနိုင်သူများ

• မြန်မာ့နိုင်ငံခြားကုန်သွယ်မှုဘဏ်တွင် နိုင်ငံခြားငွေစာရင်းဖွင့်လှစ်ထားရှိသည့် သွင်းကုန်လုပ်ငန်းရှင်များ

သွင်းကုန်ဆိုင်ရာငွေကြေးအထောက်အပံ့ ရယူနိုင်မည့်နည်းလမ်းများ

•  အာမခံအဖြစ် မြန်မာ့နိုင်ငံခြားကုန်သွယ်မှုဘဏ်တွင် ဖွင့်လှစ်ထားရှိသည့် ကုန်ဝယ်သူ၏ နိုင်ငံခြားငွေစာရင်း (သို့မဟုတ်) မြန်မာကျပ်ငွေစာရင်းလက်ကျန်အား အပေါင်ထားရှိ
• Margin လျှော့ချပေးသည့်အစီအစဉ်
• Margin ရယူထားခြင်းမပြုသေးဘဲ တစ်ဖက်ဘဏ်မှ Documents များရောက်ရှိမှသာ ကုန်ဝယ်သူ၏စာရင်းထဲသို့ နိုင်ငံခြားငွေဖြည့်တင်း၍ ပေးချေသည့် အစီအစဉ်
• သွင်းကုန်အတွက် လိုအပ်သော ငွေကြေးကို ဘဏ်မှ နိုင်ငံခြားငွေစိုက်ထုတ်ပေးချေ သည့် အစီအစဉ်

သွင်းကုန်ဆိုင်ရာငွေကြေးအထောက်အပံ့ ရယူရန်လိုအပ်သော စာရွက်စာတမ်းများ

• Import Financing ရယူလိုကြောင်း ကုမ္ပဏီ၏ လျှောက်လွှာ
• ကုန်သွယ်မှုဆိုင်ရာ ငွေကြေးအထောက်အပံ့အဆိုပြုလွှာ (Trade Financing Proposal)
• ကုန်သွယ်မှုဆိုင်ရာငွေကြေးအထောက်အပံ့သဘောတူညီချက်

(Trade Financing Agreement)

• ဒါရိုက်တာအဖွဲ့အစည်းအဝေးမှတ်တမ်း
• အခွန်ထမ်းဆောင်မှုအခြေအနေ (၃)နှစ်စာ
• ကုမ္ပဏီ/အဖွဲ့အစည်း၏ ဘဏ္ဍာရေးအခြေအနေအတွက် စာရင်းစစ်အတည်ပြုချက်

ကောက်ခံမည့်အတိုးနှုန်း

• အမြတ်အစွန်းရရှိရေးကို ဦးတည်ခြင်းမရှိဘဲ သွင်းကုန်လုပ်ငန်းရှင်များအဆင်ပြေစေရန် သွင်းကုန်ပစ္စည်းတန်ဘိုးနှင့် Financing ရယူမည့် ကာလအပေါ်မူတည်၍ ပိုမိုသက်သာသော အတိုးနှုန်းဖြင့် ဆောင်ရွက်ပေးပါသည်။

DP/DA စနစ်ဖြင့် ငွေပေးချေခြင်းဝန်ဆောင်မှု

• ပြည်ပရှိကုန်ရောင်းသူမှ ကုန်ပစ္စည်းများ တင်ပို့ပြီးကြောင်း သင်္ဘောတင်စာရွက်စာတမ်းများ ကို Bank to Bank ကောက်ခံရေးစနစ် (Collection Basis) ဖြင့် ပေးပို့လာလျှင် သက်ဆိုင်ရာ သွင်းကုန်လုပ်ငန်းရှင်အား သင်္ဘောတင်စာရွက်စာတမ်းများ ထုတ်ပေးပြီး ပြည်ပကုန်ရောင်းသူထံ သွင်းကုန်တန်ဖိုးငွေ ပေးချေဆောင်ရွက်ပေးပါသည်။

သွင်းကုန်လုပ်ငန်းဆောင်ရွက်ရန်လိုအပ်ချက်များ

• သွင်းကုန်ငွေလွှဲစာတမ်းဖွင့်လှစ်ခြင်း (အစိုးရဌာနများအတွက်)
  
  • လျှောက်လွှာ
  • သွင်းကုန်လိုင်စင်
  • Proforma Invoice/Firm Order/Contract
  • ရသုံးမှန်းခြေငွေစာရင်းဦးစီးဌာနမှ နိုင်ငံခြားငွေသုံးစွဲခွင့်ပြုမိန့်
     
• သွင်းကုန်ငွေလွှဲစာတမ်းဖွင့်လှစ်ခြင်း (ပုဂ္ဂလိကလုပ်ငန်းရှင်များအတွက်)
  
  • လျှောက်လွှာ
  • သွင်းကုန်လိုင်စင်
  • Proforma Invoice
  • ငွေလွှဲစာတမ်းတန်ဖိုးနှင့် ဘဏ်စရိတ်ကို ကုမ္ပဏီစာရင်းမှ နှုတ်ယူခွင့်
    Debit Authorization Letter
     
• သွင်းကုန်ဘီလ်ထုတ်ယူခြင်း
  
  • သွင်းကုန်လိုင်စင်
  • ဘီလ်ထုတ်ယူခွင့်လျှောက်လွှာ
  • ဘဏ်ကော်မရှင်၊ ဘဏ်စရိတ်များကို ကုမ္ပဏီစာရင်းမှ နှုတ်ယူခွင့် Debit Authorization Letter
  • Letter of Indemnity
  • သွင်းကုန်အတွက်နိုင်ငံခြားသုံးငွေလွှဲခွင့်လျှောက်လွှာ

ဤဌာနမှ ဝန်ဆောင်မှုပေးနေသည့် လုပ်ငန်းများနှင့် အချက်အလက်များအား သိရှိလိုပါက အောက်ဖော်ပြပါ ဖုန်းနံပါတ်သို့ ခေါ်ဆို၍ မေးမြန်းနိုင်ပါသည်။

မန်နေဂျာ

ဖုန်း- ၉၅-၁-၈၃၈၈၇၉၁